یو اے ای میں ہیٹ اسٹروک کیسز میں بتدریج اضافہ جاری

کویت اردو نیوز،25جولائی: متحدہ عرب امارات میں بڑھتے ہوئے درجہ حرارت کے باعث ہیٹ اسٹروک کے کیسز میں اضافہ ہو رہا ہے۔

متحدہ عرب امارات میں ڈاکٹروں نے خبردار کیا ہے کہ ملک بھر میں ہیٹ اسٹروک سمیت گرمی سے ہونے والی بیماریوں میں اضافہ ہو رہا ہے۔

حالیہ رپورٹس کے مطابق یو اے ای میں رواں سال پہلی بار درجہ حرارت 50 ڈگری سینٹی گریڈ سے تجاوز کر گیا ہے۔

متحدہ عرب امارات کے دارالحکومت ابوظہبی میں ہفتے اور اتوار کو درجہ حرارت 50.1 ڈگری سینٹی گریڈ تک ریکارڈ کیا گیا ۔

مقامی ڈاکٹروں کی جانب سے شہریوں کو گرم موسم میں احتیاطی تدابیر اختیار کرنے کی ہدایت کی گئی ہے۔

ابوظہبی کے ایک مقامی ڈاکٹر نے کہا کہ گرمی کے باعث بیمار ہونے والے افراد کی تعداد میں مسلسل اضافہ ہو رہا ہے