ہیلمٹ نہ پہننے پر لیڈی کانسٹیبل نے اپنے باپ کا ہی چالان کاٹ دیا۔

کویت اردو نیوز،26جولائی: تلونڈی کے علاقے میں پٹرولنگ پولیس کوڑے سیال کی کانسٹیبل سمیرا نے ہیلمٹ نہ پہننے پر اپنے والد کا ہی چالان کر ڈالا۔

کانسٹیبل سمیرا نے اس عمل سے فرض شناسی کی مثال قائم کر دی، جسے عوامی و سماجی حلقوں نے خوب سراہا ہے۔

گزشتہ روز پٹرولنگ پولیس ٹیم کوڑے سیال نے شہریوں کو ہیلمٹ کی افادیت اور ہیلمٹ نہ پہننے کے نقصانات بارے آگاہ کیا۔

کانسٹیبل سمیرا کا کہنا تھا کہ قانون سب کے لئے یکساں ہے، کوئی اس سے بالاتر نہیں، فرض شناسی میں رشتے رکاوٹ نہیں بننے دوں گی۔

سمیرا نے کہا کہ ہیڈ انجری سے موت واقع ہونے کا بہت زیادہ خدشہ ہوتاہے، شہری ہیلمٹ سمیت ٹریفک قوانین کی پاسداری یقینی بنائیں۔