سڑک سے رکاوٹیں ہٹانے والے ڈیلیوری رائڈر سے ولی عہد شیخ ہمدان کی ملاقات

کویت اردو نیوز،12اگست: دبئی کے ولی عہد، شیخ ہمدان بن محمد بن راشد المکتوم، جو ایگزیکٹو کونسل کے چیئرمین بھی ہیں، انہوں نے ایک ڈیلیوری بائیک رائڈر عبدالغفور سے ملاقات کی جس نے دبئی کی ایک مصروف سڑک پر سے کنکریٹ کے بلاکس ہٹانے کے عمل کی تعریف کی۔

عبدالغفور کا دلیرانہ عمل شیخ ہمدان کی توجہ کا مرکز تب بنا جب سوشل میڈیا پر وائرل ایک ویڈیو کے ذریعے انھوں نے دیکھا کہ ایک موٹر سائیکل سوار نے ٹریفک کی روانی کو یقینی بنانے کے لیے سڑک سے رکاوٹیں ہٹا دیں۔

اس وڈیو کو دیکھنے کے بعد ولی عہد اس شخص کو ڈھونڈنے کے لیے پہنچے اور اس سے ذاتی طور پر ملنے کا وعدہ کیا۔

شہزادے نے عبدالغفور کے مثالی رویے کو سراہتے ہوئے اپنے سوشل میڈیا کے ذریعے تصویر شیئر کرتے ہوئے کہا کہ وہ دوسروں کے لیے قابل تعریف مثال قائم کرنے والے شخص ہیں۔

شیخ ہمدان کے مداحوں نے ان اچھے کاموں کو اجاگر کرنے کے ان کے اس عزم کو سراہا جو ہمدردی اور مہربانی کی ثقافت کی حوصلہ افزائی کرتے ہیں۔