کویت اردو نیوز،14اگست: پاکستانی فٹ بال ٹیم کیپٹن ماریہ خان نے سعودی کلب جوائن کرلیا ہے۔
امریکی نژاد 31 سالہ فٹ بالر ماریہ خان گزشتہ برس پاکستانی خواتین فٹ بال ٹیم کی کپتان تھیں اور نیپال میں ہونے والی ساؤتھ ایشین فٹ بال چیمپئن شپ میں حصہ لیا تھا۔
’نادي شعلة الشرقية یا ایسٹرن فلیمز فٹ بال کلب‘ نے گزشتہ روز اپنی ایک ٹوئٹ میں ماریہ خان کے ایسٹرن فلیمز ایف سی کو جوائن کرنے بارے اعلان کیا
کلب کی انتظامیہ نے پہلی بار کسی غیرملکی خاتون کو شامل کیا ہے جو سعودی پریمیئر لیگ کے سیزن میں حصہ لے گی۔
یہ سعودی خواتین کی پہلی فٹ بال ٹیم ہے جو 2006 میں وجود میں آئی۔ یہ ٹیم 2020 اور 2021 میں سعودی عرب کے مشرقی صوبے کی چیمپئن رہی۔
رواں برس کے آغاز میں ماریہ خان کی کپتانی میں پاکستانی ٹیم نے 4 ملکی ٹورنامنٹ میں حصہ لینے کے لیے سعودی عرب کا دورہ کیا تھا