کویت اردو نیوز،1ستمبر:عمان کے شہر صلالہ میں جاری فائیو سائیڈ ایشیا ہاکی کپ میں پاکستان نے فتوحات کا سلسلہ جاری کردیا ہے۔
اس سلسلے میں پاکستان نے اپنے چوتھے میچ میں عمان کو 4-9 گولز سے شکست دیدی، محمد عبداللہ کو مین آف دی میچ کا ایوارڈ دیا گیا۔
پاکستان کی جانب سے کپتان رانا عبدالوحید اشرف نے 5 گول، ارشد لیاقت نے 2 گول، محمد عبداللہ نے 1 گول، ذکریا حیات نے 1 گول سکور کیا۔
پاکستان فائیو سائیڈ ہاکی ٹیم کی کوچنگ کے فرائض ہیڈ کوچ عالمی ہاکی کپ گولڈ میڈلسٹ پرائیڈ آف پرفارمنس اولمپین وسیم فیروز سرانجام دے رہے ہیں۔
پاکستان فائیو سائیڈ ہاکی ٹیم میں گول کیپرز عبداللہ اشتیاق خان، علی رضا، ڈیفینڈر محمد عبداللہ، مڈ فیلڈز: احتشام اسلم، محمد مرتضی یعقوب، سٹرائکرز ارشد لیاقت، ذکریا حیات، رانا عبدالوحید اشرف، عبدالرحمٰن اور عبدالوہاب شامل ہیں۔
فائیو سائیڈ ایشیا کپ میں پاکستان، انڈیا، افغانستان، انڈونیشیا، ایران، جاپان، بنگلہ دیش، ہانگ کانگ چائینہ، قازقستان، ملائیشیا اور میزبان ملک عمان سمیت 11 ٹیمیں شرکت کررہی ہیں
