کویت اردو نیوز ، 4 اکتوبر 2023: ماہرین صحت نے روزانہ چائے پینے والوں کو بڑی خوشخبری سنا دی۔
ایک حالیہ تحقیق میں یہ بات سامنے آئی ہے کہ روزانہ دودھ کے بغیر چائے پینے سے خون میں شوگر کی سطح کو مستحکم رکھنے اور ٹائپ ٹو ذیابیطس سے بچنے میں مدد مل سکتی ہے۔
اس تحقیق میں 20 سے 80 سال کی عمر کے 2000 افراد کو شامل کیا گیا جن میں سے 436 ذیابیطس کے مریض اور 352 کو ہائی بلڈ شوگر تھا۔
ان لوگوں سے ان کی چائے پینے کی عادت کے بارے میں سوالنامے بھرے گئے۔ نتائج سے پتہ چلتا ہے کہ جو لوگ روزانہ چائے پیتے ہیں ان میں ہائی بلڈ شوگر یا پری ذیابیطس کا خطرہ 53 فیصد کم ہوتا ہے اور ٹائپ ٹو ذیابیطس ہونے کا خطرہ 47 فیصد کم ہوتا ہے۔
تحقیق کے مطابق عمر، جسمانی وزن اور طرز زندگی کی عادات کو مدنظر رکھتے ہوئے بھی چائے ذیابیطس سے تحفظ کے لیے بہترین پائی گئی۔