کویت اردو نیوز ، 25 اکتوبر 2023: ارب پتی تاجر ایلون مسک نے موجودہ صورتحال کے تناظر میں تیسری عالمی جنگ کا خدشہ ظاہر کردیا۔
ٹیکنالوجی کے شعبے میں کامیاب ترین شخص ایلون مسک نے ایک انٹرویو میں کہاہے کہ غزہ میں اسرائیل اور حماس کے درمیان تنازع اور یوکرین اور روس میں جاری جنگ نے تیسری عالمی جنگ کا خطرہ بڑھا دیا ہے۔
انہوں نے کہا کہ تیسری عالمی جنگ ایک تہذیبی خطرہ ہے جس کے اثرات سے شاید ہم بچ نہ سکیں۔ تیسری عالمی جنگ سے بچنا اولین ترجیح ہونی چاہیے اور جنگی معاملات سے بچنے کا سوچنا چاہیے۔
ایلون مسک نے غزہ میں اسرائیل اور حماس کے درمیان جنگ پر تبصرہ کرتے ہوئے کہا کہ روس، چین اور ایران کا اتحاد امریکہ کو مشکل میں ڈال سکتا ہے۔ یوکرین میں امن قائم کرنے کی ضرورت ہے اور میں سمجھتا ہوں کہ ہمیں روس کے ساتھ معمول کے تعلقات کی بحالی میں تاخیر نہیں کرنی چاہیے۔
