کویت اردو نیوز ،2 اکتوبر 2023: سعودی عرب نے حج 2024ء کے لیے فلائٹ شیڈول جاری کردیا۔
سعودی ایوی ایشن جی اے سی اے کی جانب سے جاری کردہ شیڈول کے مطابق قبل از حج پروازیں 9 مئی 2024 سے شروع ہوں گی، قبل از حج پروازوں کی سعودی عرب آمدکاسلسلہ 10 جون تک جاری رہےگا ۔
جی اے سی اے کے مطابق سعودی عرب سے عازمین کی واپسی 20 جون سے ہوگی جبکہ آخری حج پرواز 21 جولائی 2024 کو روانہ ہوگی۔ سعودی ایوی ایشن نے مزید کہا کہ پی آئی اے سمیت دیگر ممالک کی ایئرلائنز سے قبل از حج اور بعد از حج فلائٹ آپریشنز کے لیے درخواستیں یکم جنوری 2024 تک جمع کرائی جا سکتی ہیں۔
