کویت اردو نیوز : انسٹاگرام اکاؤنٹ کو حذف کیے بغیر تھریڈز پروفائل کوکیسےغیر فعال کریں ؟ طریقہ جانئے ۔
میٹا کی جانب سے جولائی 2023 میں ایک نئی سوشل میڈیا ایپ تھریڈز متعارف کرائی گئی اور لاکھوں لوگ اس کا حصہ بن گئے۔
لیکن تھریڈز پر اکاؤنٹ بنانے کے بعد ان لوگوں کو معلوم ہوا کہ وہ اپنے انسٹاگرام اکاؤنٹ کو ڈیلیٹ کیے بغیر نئی میٹا ایپ کو نہیں چھوڑ سکتے۔
لیکن اب یہ ممکن ہے یعنی آپ انسٹاگرام کو ڈیلیٹ کیے بغیر تھریڈز اکاؤنٹ کو غیر فعال کر سکتے ہیں ، انسٹاگرام کے سربراہ ایڈم موسیری نے اس اپ ڈیٹ کا اعلان کیا۔
تھریڈز یوزرز ایپ کھولیں اور سیٹنگز میں جائیں اور اکاؤنٹ سیکشن میں ڈیلیٹ یا ڈی ایکٹیویٹ پروفائل آپشن کو منتخب کریں۔
اس فیچر کی درخواست صارفین نے کئی ماہ سے کی تھی لیکن اس تبدیلی کے باوجود انسٹاگرام اور تھریڈز ایک دوسرے سے جڑے رہیں گے۔
تھریڈز کا حصہ بننے کے لیے انسٹاگرام اکاؤنٹ کی ضرورت ہے اور اس نئی سوشل میڈیا ایپ کا واحد میسجنگ فیچر بھی استعمال کرنا انسٹاگرام ان باکس کے بغیر ممکن نہیں۔
