کویت اردو نیوز: کویتی ماہر موسمیات عیسیٰ رمضان گزشتہ روز بدھ کو نسبتاً سرد دباؤ کو دیکھتے ہوئے اگلے دو دنوں (جمعرات اور جمعہ) میں درجہ حرارت میں کمی کی توقع کی۔ انہوں نے کہا کہ "موسم سرما آہستہ آہستہ قریب آرہا ہے جبکہ کویت کے لیے دسمبر سرد ہوگا۔
ہلکی سے اعتدال پسند شمال مغربی ہوائیں ہفتے کے آخر سمیت کئی دنوں تک جاری رہیں گی۔ زیادہ سے زیادہ درجہ حرارت 19 سے 23 ڈگری سیلسیس کے درمیان رہے گا جبکہ کھلے علاقوں میں یہ درجہ حرارت کم از کم آٹھ سے 16 ڈگری سیلسیس کے درمیان رہے گا۔
انہوں نے مزید کہا کہ "بعض اوقات بکھرے ہوئے بادل نمودار ہوں گے، لیکن کسی خاص بارش کے بغیر، ہفتے کے آخر میں اگلے ہفتے کے آخر تک موسم نیم مستحکم اور نسبتاً سرد رہے گا۔ موسم دن میں معتدل جبکہ رات کو سرد رہے گا جبکہ صحرائی علاقوں میں موسم شدید سرد ہو جائے گا۔
خیال رہے کہ چند روز قبل عرب یونین برائے فلکیات اور خلائی سائنسز کے رکن، بدر الامیرہ نے تصدیق کی تھی کہ موسم سرما 7 دسمبر کے آغاز میں شروع ہو جائے گا، ان کا کہنا ہے کہ اسے تین ستاروں میں تقسیم کیا گیا ہے، ہر ستارہ 13 دن تک چلتا ہے۔
اس کے بعد سال کا سرد ترین وقت آتا ہے جب درجہ حرارت صفر سے نیچے جاتا ہے۔ کویتی ماہر موسمیات عیسیٰ رمضان نے ان لوگوں کو مشورہ دیا جو باہر نکلتے ہیں وہ "سردیوں کے موٹے کپڑے پہنیں کیونکہ اس ہفتے کے آخر میں درجہ حرارت گرنے کی توقع کے ساتھ، کم سے کم 9 اور 13 ڈگری کے درمیان، جبکہ زیادہ سے زیادہ 23 اور 24 کے درمیان” رہے گا۔
