کویت اردو نیوز : کیاآپ جانتےہیں کہ نئے سال کا سورج دنیا کے کس ملک میں سب سے پہلے طلوع ہوگا؟
دنیا بھر میں نئے سال کو منانے کی تیاریاں زوروں پر ہیں اور نئے سال کا سورج سب سے پہلے نیوزی لینڈ میں طلوع ہوگا۔
خبر رساں ادارے کے مطابق نیوزی لینڈ میں نئے سال کا سورج پہلے طلوع ہوگا اور پھر آسٹریلیا کے شہری نئے سال کا استقبال کریں گے۔
نئے سال کے استقبال کے لیے سڈنی ہاربر پر شاندار آتش بازی کا مظاہرہ کیا جائے گا جب کہ ہانگ کانگ کی وکٹوریہ ہاربر پر آتش بازی سے نئے سال کا استقبال کیا جائے گا۔
نئے سال کے موقع پر تھائی لینڈ کے شاپنگ سینٹر آئیکون سیام میں آتش بازی کی جائے گی جب کہ نئے سال کے استقبال کے لیے دبئی کے برج خلیفہ سے بھی آتش بازی کی جائے گی۔
اس کے علاوہ برطانوی شہری لندن، نیویارک کے ٹائمز اسکوائر پر جشن منانے کے لیے جمع ہوں گے تاہم اس بار پاکستان کے ساتھ ساتھ اماراتی رہاست شارجہ نے بھی نے فلسطینیوں سے اظہار یکجہتی کے لیے نیا سال سادگی سے منانے کا فیصلہ کیا ہے جبکہ کویت نے مرحوم امیر شیخ نواف الاحمد الجابر الصباح کی وفات اور فلسطینیوں سے اظہار یکجہتی کے پیش نظر ملک میں نئے سال کی تقریبات پر پابندی عائد کی ہے۔
