کویت اردو نیوز : پرواز کے دوران طیارے کی کھڑکی 16 ہزار فٹ کی بلندی سے اڑ گئی ۔
اڑان بھرنے کے کچھ ہی دیر بعد 16 ہزار فٹ کی بلندی پر اڑنے والے طیارے کی کھڑکی اڑ گئی۔
امریکی میڈیا کے مطابق مسافر طیارہ پورٹ لینڈ، اوریگون سے کیلیفورنیا کے شہر اونٹاریو جا رہا تھا کہ 16 ہزار فٹ کی بلندی پر اچانک طیارے کی کھڑکی اڑ گئی۔ جہاز میں عملے کے 6 ارکان سمیت 180 افراد سوار تھے۔ کھڑکی ٹوٹنے کے بعد اسے دوبارہ پورٹ لینڈ ایئرپورٹ پر ہنگامی لینڈنگ کرنا پڑی۔
طیارے کے مسافر کی جانب سے لی گئی ویڈیو میں طیارے کے اندر ہنگامی صورتحال کے باعث ٹوٹی ہوئی کھڑکی اور آکسیجن ماسک کو باہر آتے دیکھا جا سکتا ہے۔ واقعے میں کسی کے بھی زخمی ہونے کی تا حال اطلاع نہیں ہے۔
مسافر طیارے کی اڑتی کھڑکی کی ویڈیو سوشل میڈیا پر وائرل ہوگئی جسے اب تک لاکھوں افراد دیکھ چکے ہیں۔
