کویت اردو نیوز : مصر میں ماں نے بچی کو مبینہ طور پر قتل کیا اور دعویٰ کیا کہ بچی بلی کے حملے سے ہلاک ہوئی تاہم تفتیش میں ذہنی بیماری میں مبتلا ماں ہی قصوروار نکلی۔
العربیہ نیٹ اور عطاظ کے مطابق مصری حکام نے دلخراش واقعے کی تفصیلات بیان کی ہیں۔
مصر کے شمالی کمشنریٹ الدخلیہ کے علاقے الخدیری میں ایک لڑکی کی موت کی رپورٹ درج کی گئی۔ دعویٰ کیا گیا کہ بلی کے حملے میں چھ ماہ کی بچی کی موت ہوگئی۔
سیکیورٹی حکام نے رپورٹ ملنے کے بعد تفتیش کی تو پتہ چلا کہ لڑکی کی گردن کٹی ہوئی تھی اور اس کا پورا دھڑ زخمی تھا۔
پوچھ گچھ کے دوران لڑکی کی والدہ نے اعتراف کیا کہ وہ اس کی بیٹی کی ملزم ہے۔
لڑکی کے والد کا کہنا تھا کہ اس کی بیوی ڈیڑھ سال سے ذہنی بیماری میں مبتلا ہے اور اس کا خاندان کے کسی نہ کسی فرد سے ہمیشہ جھگڑا رہتا ہے۔
انہوں نے کہا کہ عورت گھنٹوں اپنے آپ سے اونچی آواز میں باتیں کرتی تھی۔ اس نے دعویٰ کیا کہ اس نے اپنے کانوں میں عجیب و غریب آوازیں سنی ہیں۔ وہ گھر کا سامان ٹوٹنے کی بھی شکایت کرتی تھی۔
علاج کے لیے ایک شیخ سے رابطہ کیا تھا۔ شبہ تھا کہ اس پر اثرات ہیں۔ خاتون 28 دن تک ہسپتال میں زیر علاج رہیں۔
شوہر نے اعتراف کیا کہ بیوی نے بچی کو پہلے بھی تالاب میں پھینکنے کی کوشش کی تھی لیکن وہ آخری وقت میں بچ گئی۔
"لڑکی کی موت کےبعد بیوی نےبلی کےحملے کی کہانی مجھے بھی سنائی، لیکن مجھے
یقین نہیں آیا۔”
پولیس نے بچی کی والدہ نورہ کو گرفتار کر لیا جبکہ بچی کی لاش کو منیہ النصر سینٹرل ہسپتال منتقل کر دیا گیا ہے ۔
