کویت اردو نیوز : شارجہ میں ایک اسکول بس فٹ پاتھ کےساتھ ٹکرا گئی، جس کےنتیجےمیں 3 طالب علموں سمیت 5 افراد زخمی ہو گئے ہیں ۔
الامارات الیوم کے مطابق جمعرات کو شارجہ میں ایک اسکول بس جس میں طلباء بھی شامل تھے کو حادثہ پیش آیا۔ بس ڈرائیور نے تیز موڑ لینا چاہا جس کی وجہ سے بس بے قابو ہو کر فٹ پاتھ کے ساتھ جا ٹکرائی۔
حادثے کے نتیجے میں 3 طلبہ اور 2 سپروائزر زخمی ہوگئےہیں ، جنہیں اسپتال منتقل کردیا گیا۔
شارجہ پرائیویٹ ایجوکیشن اتھارٹی نے کہا ہے کہ ڈرائیوروں سے کہا گیا ہے کہ وہ بس چلاتے ہوئے حفاظتی تقاضوں پر سختی سے عمل کریں تاکہ ایسے حادثات رونما نہ ہوں۔
دوسری جانب شارجہ پولیس کا کہنا ہے کہ حادثہ بس ڈرائیور کے تیز موڑ لینے کے باعث پیش آیا۔ پولیس نے والدین کو یقین دلایا ہے کہ تمام بچے محفوظ اور تندرست ہیں۔
