خلیجی ممالک کےدرمیان ٹرانسپورٹ کےیکساں قانون کی منظوری

کویت اردو نیوز : سعودی عرب نے خلیجی ممالک کےدرمیان ٹرانسپورٹ کےیکساں قانون کی منظوری دےدی ہے ۔

سعودی مجلس شوریٰ نے اپنے باقاعدہ اجلاس میں خلیجی ممالک کے درمیان بین الاقوامی بری ٹرانسپورٹیشن سے متعلق یکساں قانون کی منظوری دے دی ہے۔

سعودی پریس ایجنسی کے مطابق مجلس شوریٰ کا اجلاس ریاض میں نائب صدر ڈاکٹر مشعل بن فہم السلمی کی صدارت میں ہوا۔مجلس شوریٰ نے صحت کے لیے رئیل اسٹیٹ میں سرمایہ کاری کی منظوری دے دی ہے۔

مجلس شوریٰ نے دوست ممالک کے ساتھ یادداشتوں اور تعاون کے معاہدوں کی بھی منظوری دی ہے۔ سعودی عرب اور مالی کے درمیان فضائی نقل و حمل کے معاہدے کے علاوہ قمر جزائر کے ساتھ انسانی حقوق کی یادداشت کی بھی منظوری دی گئی ہے۔