سعودی عرب : پیاز ذخیرہ کرنے پر غیر ملکی گرفتار

کویت اردو نیوز : سعودی عرب میں پیاز ذخیرہ کرنے پر غیر ملکی کو گرفتار کرلیا گیا ہے ۔

سبق ویب سائٹ کے مطابق مذکورہ غیر ملکیوں نے گودام میں تین ٹن پیاز ذخیرہ کر رکھا تھا۔

وزارت تجارت نے مصنوعی طور پر قیمت بڑھانے پر پیاز ذخیرہ کرنے والے غیر ملکیوں کو گرفتار کر لیا ہے۔

وزارت تجارت نے کہا ہے کہ "یہ واقعہ تبوک میں پیش آیا، جہاں گودام پر چھاپہ مار کر ضبط کی گئی پیاز کی مقدار مارکیٹ میں سپلائی کر دی گئی ہے”۔

وزارت نے کہا ہے کہ "مذکورہ واقعے میں تفتیشی حکام کو سعودیوں کے نام پر غیر ملکیوں کے کاروبار کا بھی شبہ ہے، جس کے حوالے سے تحقیقات شروع کر دی گئی ہیں”۔

وزارت نے کہا ہے کہ "گرفتار افراد نے پیاز میں مصنوعی بحران پیدا کرنے کی کوشش کی تاکہ ذخیرہ شدہ سامان کو بلند قیمتوں پر فروخت کیا جا سکے۔”