کویت اردو نیوز : متحدہ عرب امارات (یو اے ای) کے شہر عجمان میں کیمیکل فیکٹری میں آگ لگنے سے 9 پاکستانی شہری زخمی ہوگئے۔
عرب نیوز کے مطابق متحدہ عرب امارات میں ایک سینئر پاکستانی سفارت کار نے اتوار کے روز بتایا کہ آگ ہفتے کی رات دیر گئے ایک فیکٹری میں لگی جو کیمیکل مصنوعات تیار کرتی تھی جو سینیٹائزر اور پرفیوم بنانے میں استعمال ہوتی تھی۔
یو اے ای میں پاکستان کےسفیر فیصل نیاز ترمذی نے عرب نیوز کوبتایاہے کہ "24 فروری کو یو اے ای کے عجمان میں سینیٹائزرز اور پرفیوم سےمتعلق کیمیکل مصنوعات کی ایک فیکٹری میں آتشزدگی کا المناک واقعہ پیش آیا۔”
اس افسوسناک واقعے میں 9 پاکستانی زخمی ہوئے جنہیں فوری طور پر مختلف اسپتالوں میں منتقل کردیا گیا۔
انہوں نے کہا کہ میں آپ کو یقین دلاتا ہوں کہ حادثے کا شکار ہونے والے ساتھی پاکستانیوں کی ہر ممکن مدد کی جائے گی۔
فیصل ترمذی نے بتایا کہ زخمی پاکستانیوں کو عجمان، ابوظہبی اور شارجہ کے اسپتالوں میں داخل کرایا گیا ہے۔
پاکستانی سفارتخانے کے مطابق زخمی ہونے والے پاکستانی شہریوں کا تعلق جنوبی صوبہ سندھ کے شہر شہید بینظیر آباد اور مشرقی پنجاب کے علاقے ڈیرہ غازی خان سے ہے۔
متحدہ عرب امارات میں تقریباً 1.5 ملین پاکستانی تارکین وطن کا گھر ہے اور سعودی عرب کے بعد جنوبی ایشیائی ملک کو ترسیلات زر کا دوسرا بڑا ذریعہ ہے۔ ان پاکستانیوں میں زیادہ تر ہنر مند مزدور اور ٹیکنیشن شامل ہیں۔