کویت اردو نیوز : بہت سے لوگ وزن کم کرنے کے لیے گھریلو ٹوٹکوں کا استعمال کرتے ہیں اور وہ مفید بھی ہیں لیکن انجیر کے پانی کا استعمال کرکے آپ اپنا وزن تیزی سے کم کرسکتے ہیں۔
انجیر کو جنت کا پھل کہا جاتا ہے کیوں کہ اس میں موجود بے شمار جادوئی فوائد ہیں۔
انجیر کا پانی وٹامنز، منرلز اور اینٹی آکسیڈنٹس سے بھی بھرپور ہوتا ہے اور یہ مدافعتی نظام کو بڑھانے میں مدد دیتا ہے۔انجیر کا پانی جسم کو انفیکشن سے لڑنے اور بیماریوں سے دور رکھنے میں بھی مدد کرتا ہے۔
انجیر جسم میں شوگر کے توازن کو برقرار رکھنے میں مدد کرتی ہے، کیونکہ ان میں موجود کلوروجینک ایسڈ گلوکوز میٹابولزم کو بہتر بنانے میں مدد کرتا ہے۔
انجیر کا پانی ہڈیوں کو مضبوط بنانے میں بھی اہم کردار ادا کرتا ہے۔تحقیق کے مطابق انجیر میں کیلشیم، فاسفورس اور میگنیشیم کی مقدار زیادہ ہوتی ہے جو ہڈیوں کو کمزور ہونے سے روکتی ہے۔
انجیر کا پانی نظام انہضام کی صحت کو برقرار رکھتا ہے، اور گیس اور تیزابیت کی شکایت کو دور کرتا ہے۔
انجیر کے پانی کا بنیادی فائدہ وزن میں کمی ہے کیونکہ اس میں فائبر کی مقدار زیادہ ہوتی ہے جو وزن کم کرنے کے لیے بہترین ہے۔
3 سے 4 عدد انجیر رات کو پانی میں بھگو دیں اور صبح انجیر کو پانی کے ساتھ پی لیں۔ ذائقہ بہتر بنانے کیلیے شہد بھی استعمال کیاجاسکتا ہے۔