کویت اردو نیوز : طبی ماہرین کا مشورہ ہے کہ بالغ افراد ہر رات کم از کم 7 گھنٹے کی نیند لیں لیکن ہر کوئی کافی گھنٹے کی نیند کو یقینی نہیں بنا پاتا جس کی وجہ سے یہ آہستہ آہستہ صحت کو متاثر کرتی ہے۔
درحقیقت ہماری کچھ عادتیں یا غلطیاں ہمیں نیند کی کمی کا شکار بنانے میں کردار ادا کرتی ہیں تو ان غلطیوں کے بارے میں جانیں جو آپ سونے سے پہلے کرتے ہیں اور اسکےنتیجےمیں نیند کی کمی کاشکارہوتےہیں۔
اگر آپ سونے سے پہلے کسی چیز کے بارے میں سوچ رہے ہیں تو اس سے رات کو اچھی نیند لینا مشکل ہو جاتا ہے۔
2023 کی ایک تحقیق میں بتایا گیا کہ چائے یا کافی میں پائے جانے والے جزو کیفین کا زیادہ استعمال نیند کو متاثر کرتا ہے۔ کیفین کا استعمال نیند کا دورانیہ 45 منٹ تک کم کر دیتا ہے اور اسی وجہ سے محققین سونے سے چند گھنٹے قبل کافی یا چائے سے پرہیز کرنے کا مشورہ دیتے ہیں۔
ورزش اچھی صحت کے لیے ضروری ہے لیکن اسے سونے سے پہلے کرنا نیند کے لیے تباہ کن ثابت ہو سکتا ہے۔ورزش کرنے سے جسم کا درجہ حرارت بڑھ جاتا ہے، جو جسم کو جاگنے کا اشارہ دیتا ہے اور اسے سونا مشکل ہو جاتا ہے۔
اسمارٹ فونز، کمپیوٹر یا ٹی وی جیسے آلات نیلی روشنی خارج کرتے ہیں۔ یہ نیلی روشنی جسمانی افعال پر منفی اثرات مرتب کرتی ہے اور نیند کو دور کرتی ہے۔ اس لیے سونے سے کم از کم ایک گھنٹہ پہلے ان آلات سے دور رہیں۔
تحقیقی رپورٹس میں بتایا گیا ہے کہ سونے سے کچھ دیر پہلے کھانا نیند کو متاثر کرتا ہے۔ کھانے کے 3 گھنٹے کے اندر سونے سے رات کو جاگنے کا مسئلہ کم ہوسکتا ہے۔ ایک اور تحقیق میں بتایا گیا کہ جن لوگوں نے سونے سے کچھ دیر پہلے کھانا کھایا وہ نیند کی کمی کا شکار ہوئے۔
