کویت اردو نیوز : اگر آپ سے کبھی پوچھا جائے کہ دنیا کی سب سے لمبی سڑک کون سی ہے، تو آپ اعتماد کے ساتھ پین امریکن ہائی وے کہہ سکتے ہیں۔
پین امریکن ہائی وے منصوبہ سب سے پہلے امریکہ نے 1923 میں تجویز کیا تھا۔ سڑک کی تعمیر کے معاہدے پر 14 ممالک نے دستخط کیے جن سے یہ سڑک گزرتی ہے۔ پین امریکن ہائی وے کو گنیز ورلڈ ریکارڈ میں دنیا کی طویل ترین سڑک کا اعزاز حاصل ہے۔ اس کی لمبائی 30,000 کلومیٹر (19,000 میل) ہے۔
یہ سڑک امریکی ریاست الاسکا سے ارجنٹائن کے جنوبی سرے تک پھیلی ہوئی ہے۔ 1924 میں امریکی حکام نے لاطینی امریکہ کے 37 مندوبین کو دارالحکومت واشنگٹن بلایا جہاں ان سے رائے لی گئی اور چند سالوں کے بعد ایک معاہدہ طے پایا جسے ‘دی کنونشن آن دی پین امریکن ہائی وے’ کا نام دیا گیا۔
اس معاہدے پر 1937 میں ارجنٹائن، بولیویا، کینیڈا، چلی، کولمبیا، کوسٹا ریکا، میکسیکو، ایل سلواڈور، گوئٹے مالا، ہونڈوراس،نکاراگوا، پاناما، پیرو اور امریکہ نے دستخط کیے تھے۔
اگر ہم دنیا کی دوسری طویل ترین سڑک کے بارے میں بات کریں، تو یہ ایشین ہائی وے 1 ہے۔ یہ 20,557 کلومیٹر (12,774 میل) ہے۔ یہ جاپانی دارالحکومت ٹوکیو سے ترکی اور بلغاریہ کی سرحدوں تک پھیلی ہوئی ہے، یہ کوریا، چین، بنگلہ دیش، بھارت، جنوب مشرقی ایشیا،پاکستان اور ایران سے گزرتا ہے۔
