کویت اردو نیوز،19اگست: سوئیڈش حکومت نے قرآن پاک کی توہین روکنےکے لیے قانونی آپشنز پر غور کرنا شروع کردیا ہے۔
ملکی صورتحال کو دیکھتے ہوئے سوئیڈش حکومت نے ملک میں پولیس کو قرآن پاک کی بےحرمتی روکنے کے اختیارات دینے کا فیصلہ کیا ہے۔
سوئیڈش وزیر انصاف کا کہنا ہے کہ وہ ایک کمیشن تشکیل دینے پر کام کررہے ہیں جو پولیس کو قرآن کی بےحرمتی روکنے جیسے واقعات کیلئے وسیع اختیارات دے گا۔
سوئیڈش حکومت نے قومی سلامتی کو درپیش خطرات کو بنیاد بناکر اس معاملہ پر غور شروع کردیا ہے کیونکہ اس واقعہ سے سوئیڈن میں دہشتگردی کا خطرہ دوسری بلند ترین سطح پر چلا گیا ہے۔
