کویت اردو نیوز : چند دن پہلے ہیئر سیلون میں اپنے بالوں کو سیدھا کروانے کے لیے آنے والی نوجوان خاتون کے گردے کو شدید نقصان پہنچاہے ، جس کے بعد طبی ماہرین نے بالوں کی مصنوعات کےحوالے سےوارننگ جاری کی ہے ۔
میڈیا رپورٹس کے مطابق یہ واقعہ نیو انگلینڈ جرنل آف میڈیسن میں رپورٹ کیا گیا جس میں بتایا گیا کہ تیونس کی ایک 26 سالہ خاتون کو جون 2020 سے جولائی 2022 کے درمیان ہیئر سیلون میں متعدد سیشنز کے دوران گردے کی تکلیف ہوئی۔
یہ رپورٹ فرانسیسی ڈاکٹروں نے تیار کی تھی اور جریدے کے ایڈیٹر کو بھیجی تھی۔ ایڈیٹر کو لکھے گئے خط میں ڈاکٹروں کی ٹیم نے کہا کہ گلائی آکسیلک ایسڈ پر مشتمل مصنوعات جو کہ گردوں کے لیے زہر ہے، سے پرہیز کیا جائے اور ایسی مصنوعات پر پابندی لگائی جائے۔ مضمون میں یہ بھی کہا گیا ہے کہ ایسا ہی ایک واقعہ اسرائیل میں 26 مریضوں کے ساتھ پیش آیا جن کے بال سیدھے ہونے کے بعد گردے کو شدید نقصان پہنچا۔
ڈاکٹروں نے بالوں کو سیدھا کرنے والی بعض مصنوعات کو گردےکے نقصان کیساتھ جوڑا ہے۔ ماہرین نےیہ بھی بتایاہےکہ جب خاتون چیک اپ کے لیے آئی تو اس کو پہلےسےموجود کوئی طبی مسئلہ نہیں تھا۔
تفتیش کے بعد ڈاکٹروں نے نوٹ کیا کہ یہ علامات اسی دن ظاہر ہوئیں جس دن خاتون سیلون گئی تھی۔ عورت نے ہیئر سیلون میں ہر سیشن کے دوران کھوپڑی میں زخم اور جلن کی اطلاع دی۔ معائنے کے بعد، ڈاکٹروں نے پایا کہ عورت کے خون میں کریٹینائن کی سطح بلند ہو گئی ہے، جو بالوں کی مصنوعات میں استعمال ہونے والے کیمیکلز کے نتیجے میں ہے۔
جب خواتین سیلون جاتی تھیں تو ہیئر اسٹائلسٹ ان کے بالوں پر 10% گلائی آکسیلک ایسڈ کریم لگاتا تھا۔ محققین کا کہنا ہے کہ یہ کیمیکل گردوں کے لیے نقصان دہ ہے۔
