کویت اردو نیوز 01 مارچ: سلطنت عمان میں تمام تجارتی سرگرمیاں شام 8 بجے سے صبح 5 بجے تک بند رہیں گی۔
تفصیلات کے مطابق سلطنت عمان نے شام 08 سے صبح 05 بجے کے درمیان سلطنت کے تمام گورنریٹس میں تمام تجارتی سرگرمیاں بند رکھنے کا اعلان کیا ہے۔ سلطنت عمان میں کورونا کی صورتحال پر عمل کرنے والی سپریم کمیٹی نے کہا ہے کہ فیصلے پر عمل درآمد 4 مارچ بروز جمعرات کی شام 08 بجے سے 20 مارچ کی صبح 05 بجے تک جاری رہے گا۔
کمیٹی نے طلبہ کی تعلیم کے حصول کے تسلسل کی اتوار 7 مارچ سے جمعرات 11 مارچ تک کی مدت کے دوران سرکاری اسکولوں میں فاصلاتی تعلیم کے ذریعہ بھی منظوری دی بشرطیکہ اس مدت کے دوران سلطنت میں وبائی امراض کی پیشرفت کے مطابق اس کا جائزہ لیا جائے گا۔
مقامی اور عالمی سطح پر پھیلنے والے اس نئے مرض کے خطرے سے بچاؤ پر زور دیتے ہوئے کمیٹی نے احتیاط برتنے اور اپنے اہل خانہ و معاشرے کے تمام افراد کی حفاظت کا مطالبہ کیا اور سب سے اپیل کی کہ ایسے اجتماعات جو انفیکشن کے بڑھنے اور پھیلاؤ کا سبب بن رہے ہیں اور سائنسی طور پر ثابت بھی ہوچکے ہیں ان سے گریز کریں۔
