کویت اردو نیوز 22 جولائی: روسی سائنس دانوں کی ایک ٹیم حیاتیاتی ڈی این اے چپ تیار کررہی ہے جو کورونا وائرس کی جانچ کو آسان بنا دے گی۔
رپورٹ کے مطابق روسی کنزیومر پروٹیکشن ایجنسی” کی ویب سائٹ سے انکشاف ہوا ہے کہ روسی سائنس دانوں کا ایک گروپ فی الحال ایک حیاتیاتی ڈی این اے چپ تیار کررہا ہے جو "کورونا” وائرس کی جانچ کو آسان بنا دے گا۔ روسی سپوتنک نیوز ایجنسی کے مطابق روسی صارفین کی حفاظت کی ایجنسی کی ویب سائٹ میں بتایا گیا ہے کہ روسی نزنی Nizhny Novgorod Institute of Epidemiology and Microbiology جسے "Blokhina” کے نام سے جانا جاتا ہے اس وقت بایوچپ کا ایک پروٹو ٹائپ بنانے پر کام کر رہا ہے تاکہ SARS-CoV Virus -2 کے
اصل مرض یا مرض پیدا کرنے والے آرگنزم کی نشاندہی کی جاسکے۔ ماہرین متعدد برسوں سے بائیو مارکر کی تیزی سے کھوج کے لئے ملٹی میڈیا بائیوسینسرز کی تحقیق اور نشوونما میں شامل ہیں۔ سائنسدان پیپٹائڈس کا استعمال کرتے ہوئے دل کے دورے ، تناؤ اور کورونا وائرس کے بائیو مارکروں کی تشخیص کا بھی مطالعہ کریں گے اور وائرالوجسٹوں نے مرض کے اصل آرگنزم کی شناخت اور جانچ کے لئے سائنسی اور تکنیکی بنیادوں پر یہ چپس تیار کرلی ہیں۔
روسی ماہرین نے اس بات پر زور دیا کہ روسی سائنس دانوں کی تیار کردہ اس چپ کو صرف تجربہ گاہوں میں استعمال کیا جائے گا تاکہ بائیو میٹریلز میں انفیکشن کی ڈگری کا تعین کیا جا سکے جو نمونوں سے حاصل کیے جاتے ہیں۔
