خوفناک دھماکہ: 20 ہلاک 300 افراد زخمی

آذربائیجان : (کویت نیوز اردو) متنازع علاقے نگورنو کاراباخ کےآئل ڈپو میں شدید دھماکے سے 20 افراد بری طرح جھلس کر ہلاک ہوگئے ہیں ۔

میڈیا رپورٹس کے مطابق آرمینیا کے مقامی حکام نے کہا ہے کہ نگورنو کاراباخ کے آئل ڈپو میں اچانک بڑا دھماکہ ہوگیا ، آئل ڈپو میں کام کرنیوالے سینکڑوں افراد دھماکے کی زد میں آگئے ۔

رپورٹس کے مطابق دھماکے کے نتیجے میں 300 افراد کو اسپتال میں منتقل کیا گیا ہے ۔ جس میں درجنوں زخمیوں کی حالت انتہائی تشویش ناک ہے۔

آئل ڈپو میں دھماکہ اس وقت ہوا جب علاقے میں آذربائیجان کیجانب سے فوجی آپریشن جاری تھا ۔

سیکیورٹی حکام کے مطابق جائے حادثہ سے 13 لاشیں ملی ہیں جب کہ 7 افراد نے ہسپتال پہنچ کر دم توڑ دیا ۔