کویت اردو نیوز : مشہور پاکستانی ہدایت کار پرمیش اڈیوال دائرہ اسلام میں داخل ہو گئے۔
ہندو مذہب سے تعلق رکھنے والے معروف پاکستانی ہدایت کار پرمیش اڈیوال دائرہ اسلام میں داخل ہو گئے۔
اسلام قبول کرنے کے بعد عمرہ کی سعادت حاصل کرنے والے پرمیش اڈیوال نے آفیشل انسٹاگرام پر ایک ویڈیو اپ لوڈ کی۔
پرمیش نے فی الحال یہ واضح نہیں کیا ہے کہ انہوں نے اپنا نام تبدیل کیا ہے یا نہیں تاہم مختلف میڈیا رپورٹس کے مطابق انہوں نے اپنا اسلامی نام ‘محمد’ رکھا ہے۔
انہوں نے اپنی انسٹاگرام ویڈیو پوسٹ میں عاطف اسلم کی مقبول قوالی ‘تاجدارِ حرم’ کی چند سطریں شامل کیں۔
پاکستانی ہدایت کار پرمیش اڈیوال کے پروجیکٹس میں فلک شبیر کا گانا ‘یار ملا دے’ اور بلی ایکس کا وائرل ہٹ ‘جیتنی پنجابی’ شامل ہیں۔
انہوں نے کئی پاکستانی ڈراموں کے ساتھ سپر اسٹار مہوش حیات کی فلم ‘پنجاب نہیں جاؤں گی’ کے گانے بھی ڈائریکٹ کیے ہیں۔
