کویت اردو نیوز 02 مئی: تحریک انصاف کے مرکزی رہنما اسدعمر نے کہا ہے کہ عمران خان کو گرفتار کرنے کی کوشش کی تو 20کے بجائے 50 لاکھ لوگ جمع ہوں گے۔
پاکستان کے مقامی نجی ٹی وی چینل اے آر وائی کی رپورٹ کے مطابق کراچی میں تحریک انصاف کے احتجاجی مظاہرے سے خطاب کرتے ہوئے اسدعمر نے کہا کہ عمران خان فیصلے صرف پاکستان کی بہتری کودیکھ کر کرتا ہے پاکستان کےپاس سچااورایماندارلیڈرعمران خان کی شکل میں موجود ہے عمران خان صرف اللہ سےڈرتاہے۔ اسد عمر نے کہا کہ سب یک زبان ہیں’’غلامی نامنظور” آزادی کی زندگی گزاریں گے سب سے اچھے تعلقات رکھ کر زندگی گزاریں گے لیکن سراٹھا کر، اپنےجائزحق کومنوانے کیلئے عوام سڑکوں پر ہیں۔ قوم اپنے سچے لیڈرعمران خان کے ساتھ
کھڑی ہے سب سےدوستی کریں گےلیکن سرنہیں جھکائیں گے۔ انہوں نے کہا کہ عید کے بعد پاکستان کی سب سےبڑی تحریک شروع ہونے والی ہے دنیا دیکھےگی حقیقی آزدی کیلئے قوم اپنا فیصلہ کرچکی ہے عمران خان کو گرفتار
کرنے کی کوشش کی تو 20 کے بجائے 50 لاکھ لوگ جمع ہوں گے۔ مظاہرے سے خطاب کرتے ہوئے عمران اسماعیل نے کہا کہ 31مئی سے پہلے اس جعلی حکومت کا دھڑن تختہ ہو گا۔ تحریر اسکوائر سے زیادہ لوگ اسلام آبادمیں جمع کر کے دکھائیں گے۔ عمران اسماعیل نے کہا کہ عمران خان کی کال پر پورے ملک میں عوام سڑکوں پر ہیں 20 لاکھ لوگ اسلام آباد میں خان صاحب کی خاطر چاند رات کو سڑکوں پر ہیں۔