کویت اردو نیوز 06 مئی: ریسرچ فرم زوتوبی کی ایک حالیہ رپورٹ کے مطابق کویت کے پاس دنیا کا چھٹا سب سے سستا پٹرول ہے جس کی قیمت صرف 1.57 ڈالر فی گیلن پٹرول ہے۔ ماہرین کے مطابق
دنیا بھر میں پیٹرول کی قیمتوں میں نمایاں اتار چڑھاؤ آیا ہے اور ڈرائیورز اس سال پیٹرول کے لیے بہت مختلف قیمتیں ادا کریں گے۔ سب سے زیادہ سستی پٹرول کی قیمتوں والے دس ممالک میں 4 عرب ممالک کے علاوہ لیبیا، ایران اور شام شامل ہیں جن میں کویت چھٹے نمبر پر ہے۔ وینزویلا پہلے نمبر پر ہے کیونکہ اس کی قیمت 0.11 ڈالر فی گیلن ہے جو عالمی اوسط سے 5.95 ڈالر سستی ہے۔ لیبیا دوسرے سب سے سستے پٹرول کے طور پر آتا ہے جس کی فی گیلن قیمت صرف 0.15 ڈالر ہے۔ ایران میں فی گیلن پٹرول کی تیسری سب سے سستی قیمت 0.23 ڈالر ہے جو
شام سے کافی کم ہے۔ سب سے مہنگے پٹرول کی قیمتوں کے ساتھ سرفہرست 3 ممالک میں پہلے نمبر پر ہانگ کانگ، اس کے بعد ہالینڈ اور ناروے شامل ہیں۔ ہانگ کانگ میں پٹرول کی قیمت دنیا میں سب سے زیادہ ہے جس کی ایک گیلن کی قیمت 13.10 ڈالر ہے جو کہ عالمی اوسط سے دوگنا جبکہ دوسرے مہنگے ترین پٹرول والے ملک سے 1.15 ڈالر زیادہ ہے۔
نیدرلینڈ پٹرول کے لئے دنیا بھر میں دوسری مہنگی ترین جگہ ہے جس کی قیمت 11.75 ڈالر فی گیلن ہے۔ ناروے پیٹرول کی قیمتوں میں تیسرا مہنگا ملک ہے جہاں اوسطاً 11.36 ڈالر فی گیلن ادا کرنے پڑتے ہیں۔ زنہوا خبر رساں ایجنسی کے مطابق جرمن حکومت نے توانائی کی بڑھتی ہوئی قیمتوں کے اثرات کو کم کرنے کے لیے کئی اقدامات کیے جن میں بنیادی ٹیکس فری الاؤنس میں اضافہ اور طویل فاصلے کے مسافروں کے لیے زیادہ مائلیج الاؤنس شامل ہیں۔
رپورٹ کے مطابق صرف تین ممالک وینزویلا، لیبیا اور ایران میں فی گیلن ایندھن کی قیمت ایک ڈالر سے بھی کم ہے جبکہ صرف چار ممالک ہانگ کانگ، نیدرلینڈز، ناروے اور موناکو میں فی گیلن گیس کی قیمت 11 ڈالر سے زیادہ ہے۔
ایران نے گزشتہ نصف دہائی کے دوران عالمی سطح پر پٹرول کی قیمتوں میں سب سے زیادہ کمی کی ہے جس کی قیمتوں میں تقریباً 3,000 فیصد کمی کی گئی ہے جبکہ دوسری طرف سعودی عرب میں گزشتہ پانچ سالوں میں پیٹرول کی قیمت میں تقریباً 300 فیصد اضافہ ہوا ہے جس سعودی عرب عالمی سطح پر ایندھن کی قیمتوں میں سب سے زیادہ اضافہ کرنے والا ملک بن گیا ہے۔
