کویت اردو نیوز 6جولائی:ابوظہبی کے علاقے الظفرہ میں ایک ریستوران کو کھانے کی حفظان صحت کے اصولوں کی خلاف ورزی کرنے پر بند کر دیا گیا ہے۔
کیفے ریستوران اور کیفے ٹیریا، جو بیا السیلا شہر میں واقع ہے،جس کو فوڈ سیفٹی اتھارٹی (ADAFSA) کی جانب سے صحت عامہ کے لیے خطرہ ہونے کی وجہ سے بند کر دیا گیا تھا۔
حکام کا کہنا ہے کہ یہ بندش صحت اور خوراک کی حفاظت سے متعلق شرائط اور ضروریات کے حوالے سے بار بار کی خلاف ورزیوں کی وجہ سے ہوئی ہے۔
ڈائننگ اور کچن ایریا میں حفظان صحت کی عدم موجودگی کی وجوہات کی بنا پر اس کے خلاف تین ہائی رسک خلاف ورزیاں جاری کی گئیں۔
ان خلاف ورزیوں میں کھانے کی تیاری کے دوران حفظان صحت کو برقرار رکھنے میں ناکامی، خوراک کا ناقص ذخیرہ، کیڑوں کی موجودگی اور عام طور پر صفائی کا فقدان شامل تھا۔
انتظامی بندش کا حکم اس وقت تک نافذ العمل رہے گا جب تک کہ خلاف ورزیوں کو درست نہیں کیا جاتا اور ریسٹورنٹ عوام کی حفاظت کو یقینی بنانے کے لیے فوڈ سیفٹی کے ضروری تقاضوں کو پورا نہیں کرتا۔
فوڈ سیفٹی کے تقاضوں کی تعمیل کو یقینی بنانے کے لیے تمام فوڈ اسٹیبلشمنٹ اتھارٹی کے انسپکٹرز کے ذریعہ وقتاً فوقتاً معائنہ کروایا جائے گا ۔
رہائشیوں پر زور دیا گیا ہے کہ وہ فوڈ آؤٹ لیٹس پر کسی بھی خلاف ورزی کی اطلاع دیں یا کھانے کی مصنوعات کے مواد کے بارے میں شک ہو تو ابوظہبی حکومت کے ٹول فری نمبر 800555 پر اطلاع دیں تاکہ قانونی کارروائی کی جا سکے۔