کویت اردو نیوز،13جولائی: سعودیہ عرب کی وزارت حج اور عمرہ کی جانب سے عمرہ پرمٹ جاری کرنے کا سلسلہ شروع کردیا گیا ہے
عرب میڈیا کے مطابق سعودیہ عرب کی وزارت حج اور عمرہ کی جانب سے عمرہ پرمٹ جاری کرنے کا سلسلہ شروع کردیا گیا ہے اور پہلے مرحلے میں مملکت میں رہنے والوں اور خلیجی ممالک کے شہریوں کو پرمٹ جاری کیے جائیں گے۔
موبائل ایپلی کیشنز کے ذریعے اجازت نامہ
سعودی شہری اور خلیجی ممالک سے آنے والے زائرین نسک اور توکلنا موبائل ایپلی کیشنز سے ضروری اجازت نامے حاصل کر سکتے ہیں۔
اس مقصد کیلئے نسک ایپلی کیشن کو عمرہ پرمٹ کے عمل کو آسان بنانے کے لیے لانچ کیا گیا ہے۔ اس کے علاوہ نسک کو ہیلتھ پلیٹ فارم توکلنا کے ساتھ منسلک گیا ہے تاکہ انتظامیہ کو مملکت میں آنے والوں کی صحت سے متعلق معلومات سے آگاہ کیا جاسکے۔
میڈیا رپورٹس کے مطابق بین الاقوامی زائرین کے عمرہ کے لیے الیکٹرانک ویزے متعارف کرائے گئے ہیں جس سے وہ بآسانی اپنے سفر کا آغاز کر سکتے ہیں۔
