کویت اردو نیوز،27جولائی: ترکش ایئرلائن کی پرواز میں افسوسناک واقعہ پیش آیا جس میں استنبول سے مراکش جانے والی پرواز کے دوران ایک مسافر نے بیت الخلاء میں گھس کر خودکشی کرلی۔
بوئنگ 737-Max 8، پرواز TK 619 کے ذریعے چلائی گئی، استنبول ایئرپورٹ سے مراکش کے لیے روانہ ہوئی۔
نامعلوم مسافر کافی دیر تک بیت الخلاء میں پڑا رہا جس سے فلائٹ عملہ پریشان ہوگیا۔
باتھ روم کھولنے پر عملے کو افسوسناک صورتحال کا پتہ چلا۔ پرواز کے عملے اور جہاز میں موجود ڈاکٹر دونوں کی طرف سے فوری طبی امداد فراہم کی گئی لیکن کوشش کے باوجود مسافر کو بچایا نہیں جا سکا۔
حادثے کے نتیجے میں پرواز کو 15:15 کے قریب الجزائر میں ہنگامی لینڈنگ کرنا پڑی۔ لینڈنگ پر طبی ٹیموں نے مسافر کی موت کی تصدیق کر دی۔
الجزائر کے حکام نے حادثے کی تحقیقات کا آغاز کردیا جبکہ ترکش ایئرلائن کے عملے نے اس المناک واقعے سے متعلق بیانات دے کر تعاون کیا۔
