کویت اردو نیوز،31جولائی: واٹس ایپ یوزرز کیلئے اب ایک ایسے فیچر کا اضافہ کیا جا رہا ہے جو اس سے قبل اس پلیٹ فارم پر موجود نہیں تھا، اس فیچر کے ذریعے اب صارفین انسٹنٹ ویڈیو میسجز بھیج سکیں گے۔
میٹا کی زیر ملکیت واٹس ایپ کی جانب سے نئے فیچرز متعارف کرائے جانے کا سلسلہ جاری ہے، واٹس ایپ میں اب وائس کے بعد انسٹنٹ ویڈیو میسج بھیجنے کا فیچر متعارف کرانے کا اعلان کیا گیا ہے۔
واٹس ایپ کی ایک بلاگ پوسٹ میں بتایا گیا کہ وائس میسجز سہولت سے صارفین کو فوری آڈیو پیغامات بھیجنے کی سہولت حاصل ہوئی تھی جسے بہت پذیرائی ملی، اور اب اسی طرز پر انسٹنٹ ویڈیو میسجز کا فیچر پیش کیا جا رہا ہے۔
اس سہولت سے صارفین 60 سیکنڈ کی مختصر ویڈیو ریکارڈ کرکے بھیج سکیں گے، اس فیچرز کو متعارف کرانے کا آغاز گزشتہ روز سے ہو چکا ہے۔
اس فیچر سے آنے والے چند ہفتوں میں تمام صارفین مستفید ہو سکیں گے۔
