بحرین پولیس نے 20 ایشیائی باشندوں کو جوئے کا اڈہ چلانے پر گرفتار کر لیا

کویت اردو نیوز،21 اگست: بحرین پولیس نے 29 سے 56 سال کی عمر کے 20 افراد کو ایک نجی رہائش گاہ میں جوئے کا غیر قانونی اڈہ چلانے پر گرفتار کر لیا۔

تمام مشتبہ افراد ایشیائی شہریت کے حامل ہیں اور انہیں خفیہ اطلاع پر گرفتار کیا گیا۔

قانون نافذ کرنے والے اداروں نے اس غیر قانونی کام میں ملوث افراد کی گرفتاری کے لیے انکا ملک گیر تعاقب شروع کیا اور انکے غیر قانونی جوئے کے اڈے سے رقم اور نشہ آور مشروبات ضبط کیے۔

بحرین کے جنرل ڈپارٹمنٹ آف انویسٹی گیشن اینڈ کریمنل ایویڈینس نے کیس کو مزید کارروائی کے لیے پبلک پراسیکیوشن کو بھیجنے کے لیے ضروری اقدامات کیے ہیں۔