سعودی عرب میں مالی فراڈ کے جرم میں 11 پاکستانیوں کو سزا سنا دی گئی

کویت اردو نیوز،9ستمبر: سعودی عرب میں مالی فراڈ کے الزام میں 11 پاکستانیوں کو قید کی سزا سنا دی گئی۔

سعودی پراسیکیوشن کا کہنا ہے کہ 11 رکنی گروہ نے دھوکے سے بینک صارفین کے اکاؤنٹس سے رقوم نکالیں۔

پراسیکیوشن کیمطابق گروہ شہریوں کو فون اور میسج کرکے اکاؤنٹس تفصیلات مانگتا تھا اور پھر شہریوں کے اکاؤنٹ سے رقوم نکال لیتے تھے۔ فراڈ کرنے پر 11پاکستانیوں نے تفتیش کے دوران جرم کا اقرار بھی کیا۔

پراسیکیوشن کے مطابق ہر ملزم کو زیادہ سے زیادہ 7 سال قید کی سزا سنائی گئی ہے ، سزا پوری ہونے کے بعد انہیں ملک بدر کیا جائے گا۔