عجمان پولیس نے لاپتہ بچی کووالدین سےملوادیا

کویت اردو نیوز : عجمان پولیس نے لاپتہ لڑکی کو والدین سے ملا دیا۔

متحدہ عرب امارات میں عجمان پولیس نے عرب ملک سے تعلق رکھنے والی 9 سالہ بچی کو اس کے والدین سے ملا دیا۔ ذہنی طور پر معذور لڑکی اپنے گھر والوں سے بچھڑ گئی تھی ۔

ایمریٹس الیوم کے مطابق عجمان کے پولیس چیف کرنل غیث خلیفہ الکعبی نے بتایا کہ الراشدیہ کے علاقے میں رات کے وقت گشت پر مامور پولیس ٹیم نے ایک اکیلی لڑکی کو دیکھا جو بہت زیادہ رو رہی تھی۔

پولیس حکام نے لڑکی کو تسلی دی اور اس کو اپنے ساتھ تھانے لے گئے جہاں انہوں نے لڑکی کے اہل خانہ کے بارے میں معلومات حاصل کرنے کی کوشش کی لیکن کہیں سے کوئی اطلاع نہ ملنے پر پولیس نے سماجی مرکز کے ساتھ رابطہ کیا گیا۔

سوشل سنٹر کی ٹیموں نے لڑکی کے گھر والوں کا سراغ لگا لیا اور ایک گھنٹے سے بھی کم وقت میں لڑکی کو اس کے گھر پہنچا دیا گیا۔