سعودی عرب میں معروف شاہراہ بلاک کرنے پر دو افراد گرفتار

کویت اردو نیوز،22ستمبر: سعودی عرب میں ریاض پولیس نے جان بوجھ کر اپنی گاڑی سے معروف شاہراہ بلاک کرنے پردو افراد کو حراست میں لےلیا ۔ ملزمان میں ایک سعودی جبکہ دوسرا یمنی شہری ہے۔
ادارہ امن عامہ کے ایکس (سابقہ ٹوئٹر) اکاؤنٹ پرجاری بیان میں کہا گیا کہ پولیس کو اطلاع ملی تھی کہ نامعلوم افراد نے شہر کی ایک معروف شاہراہ پراپنی گاڑی بلا کسی وجہ سے کھڑی کردی جس سے ٹریفک کی روانی معطل ہے۔

اطلاع ملتے ہی پولیس ٹیم جائے وقوعہ پرپہنچ گئی جس نے دونوں افراد کرحراست میں لے لیا جبکہ گاڑی کو تحویل میں لےلیاگیا۔

ملزمان کے خلاف آداب عامہ کی خلاف ورزی کی دفعہ کے تحت مقدمہ درج کیا گیا ہے۔ انہیں قانون کے مطابق سزا دی جائے گی۔