کویت اردو نیوز، 23ستمبر: انڈونیشیا میں خنزیر کا گوشت کھانے سے قبل ‘بسم اللہ ‘ پڑھنے والی خاتون ٹک ٹاکر کو 2 سال قید کی سزا سنا دی گئی۔
غیرملکی میڈیا کے مطابق خاتون ٹک ٹاکر کی ویڈیو اسی وجہ سے وائرل بھی ہوئی تھی۔ انڈونیشیا کی مقامی عدالت نے 33 سالہ لینا لطفیاوتی کو مذہبی جذبات ابھارنے اور نفرت بھرے رویے کو ہوا دینے کے الزام میں 2 سال قید اور16 ہزار245 ڈالرجرمانہ بھی عائد کیا گیا، جسمیں جرمانہ کی عدم ادائیگی پر سزا میں 3 ماہ کی توسیع ہوگی۔
رپورٹس کے مطابق خاتون ٹک ٹاکر بالی ووڈ فلموں کی فین ہیں اور مسلمان ہونے کے باوجود اپنا نام لینا مکھرجی رکھا ہے اور وہ بھارت میں اپنا کاروبار بھی چلاتی ہیں۔ لینا لطفیاوتی کے ٹک ٹاک پر 20 لاکھ سے زائد فالوورز ہیں
مقدمے کی سماعت کے بعد لینا نے صحافیوں کو بتایا کہ وہ اس فیصلے سے حیران ہیں۔ ‘میں جانتی ہوں کہ میں غلط ہوں لیکن مجھے اس سزا کی امید نہیں تھی،’ لینا نے مقامی نیوز اسٹیشن میٹرو ٹی وی پر کہا۔
مارچ میں پوسٹ کی گئی اس ویڈیو کے لیے مکھرجی کو سوشل میڈیا صارفین کی جانب سے شدید ردعمل ملا۔ انڈونیشیا کی اعلیٰ مسلم علما کی تنظیم، انڈونیشین علماء کونسل نے اس ویڈیو کو توہین آمیز قرار دیا۔ مقبول مواد بنانے والے کے پاس دو ٹک ٹاک اکاؤنٹس ہیں، جن میں 2.2 ملین سے زیادہ فالوورز ہیں۔ اس کا حالیہ برسوں میں توہین مذہب کی سزاؤں کے سلسلے میں تازہ ترین ہائی پروفائل کیس ہے۔
