کویت اردو نیوز،30 ستمبر 2023: قطر کے لیے قبضے میں لیے گئے کنٹینر سے پیاز میں چھپائی گئی 3 من سے زائد مقدار میں چرس برآمد ہوئی ہے ۔
ترجمان اینٹی نارکوٹکس فورس کے مطابق کراچی میں پاکستان انٹرنیشنل کنٹینر ٹرمینل پر بڑی کارروائی کی گئی، اس دوران سبزیوں اور پھلوں کی آڑ میں منشیات بیرون ملک اسمگل کرنے کی کوشش ناکام بنادی گئی۔
اے این ایف دوحہ کے لیے مختص کنٹینر میں 3 من سے زائد منشیات پکڑنے میں کامیاب ہو گئی۔ کنٹینر کی تلاشی لینے پر پیاز سے بھرے کنٹینر میں چھپائی گئی 125 کلو گرام چرس برآمد ہوئی، جو پیشہ ورانہ طور پر پیاز کی جھلیوں میں چھپائی گئی تھی۔
یہ کنٹینر کراچی سے ایک نجی کمپنی نے قطر کے لیے پکڑا تھا۔ سیکیورٹی حکام نے منشیات قبضے میں لے کر ملوث ملزمان کی تلاش شروع کردی ہے ۔
