کویت اردو نیوز ، 4 اکتوبر 2023: سعودی عرب اور ایران کے درمیان کھیلوں کے مقابلے دوبارہ شروع ہو گئے ہیں۔ ایران کے وزیر خارجہ حسین امیر عبداللہیان نے اعلان کیا ہے کہ دونوں ممالک نے منسوخ شدہ فٹ بال میچ کو دوبارہ شیڈول کرنے کا فیصلہ کیا ہے۔ وزیر خارجہ نے بدھ کو یہ اعلان کیا۔
واضح رہے کہ رواں سال چین کے ذریعے دونوں ممالک کے درمیان سفارتی تعلقات کی بحالی کے بعد دو طرفہ کھیلوں کا دوبارہ آغاز ہواہے۔
اسٹیڈیم میں ایرانی پاسداران انقلاب کے سربراہ جنرل قاسم سلیمانی کے مجسمے کی تنصیب کی وجہ سے فٹبال میچ کو منسوخ کرنا پڑا کیونکہ سعودی عرب نے جنرل قاسم سلیمانی کے مجسمے کو اسٹیڈیم میں رکھنے کو سیاسی مسئلہ سمجھا تھا۔ سعودی موقف تھا کہ کھیلوں میں سیاست نہیں ہونی چاہیے۔
خبر رساں ایجنسی IRNA کے مطابق ایرانی وزیر خارجہ نے فٹبال میچ کے نئے اعلان کے موقع پر کہا کہ وہ بھی اس بات پر یقین رکھتے ہیں کہ کھیلوں کو سیاست سے الگ رکھنا چاہیے۔ انہوں نے کہا کہ وہ سعودی وزیر خارجہ شہزادہ فیصل بن فرحان سے رابطے میں ہیں۔ اس لیے دونوں ممالک کھیلوں کی بحالی کی تصدیق کرتے ہیں۔
سعودی عرب اور ایران کے درمیان فٹبال کا میچ سعودی الا تحآد اور ایرانی سپاہان کے درمیان کھیلا جائے گا۔
