کویت اردو نیوز ، 7 اکتوبر 2023 : آئی سی سی کرکٹ ورلڈ کپ کے میچوں کے دوران، ممبئی پولیس کو ایک ای میل موصول ہوئی جس میں احمد آباد کرکٹ اسٹیڈیم کو اڑانے کی دھمکی دی گئی تھی۔
میڈیا رپورٹس کے مطابق ممبئی پولیس کو ایک ای میل موصول ہوئی جس میں احمد آباد کرکٹ اسٹیڈیم اور بھارتی وزیراعظم نریندر مودی کو اڑانے کی دھمکی دی گئی ہے ، جب کہ دہشت گردوں نے 500 کروڑ روپے تاوان اور گینگسٹر روی بشنوئی کی رہائی کا مطالبہ بھی کیا ہے ۔
آسٹریلیا اور بھارت کے درمیان میچ اتوار 8 اکتوبر کو احمد آباد کرکٹ اسٹیڈیم میں شیڈول ہے جب کہ پاکستان اور بھارت کے درمیان ورلڈ کپ کا سب سے بڑا میچ 14 اکتوبر کو اسی گراؤنڈ پر کھیلا جائے گا۔
ای میل میں یہ بھی کہا گیا ہے کہ دہشت گرد گروپ نے کئی لوگوں کو حملے کرنے کے لیے متحرک کیا ہواہے۔
