کویت اردو نیوز ، 31 اکتوبر 2023: امریکی ریاست ٹیکساس میں مسلمان ڈاکٹر طلعت جہاں خان کو چاقو کے وار کر کے قتل کر دیا گیا۔ پولیس نے قتل کے الزام میں ایک شخص کو حراست میں لے کر تفتیش شروع کر دی ہے۔ ابتدائی طور پر یہ واضح نہیں ہو سکا کہ اسے مذہبی بنیادوں پر قتل کیا گیا یا کسی اور وجہ سے۔
غیر ملکی میڈیا کے مطابق مسلمان ڈاکٹر طلعت جہاں خان پر ٹیکساس میں اس وقت حملہ کیا گیا جب وہ پکنک ٹیبل پر بیٹھی تھیں۔
پولیس کا کہنا ہے کہ دو بچوں کی ماں 52 سالہ ڈاکٹر طلعت اپنے کتے کے ساتھ کونرو میں بیٹھی تھی جب مشتبہ شخص میلز جوزف فریڈرک نے مبینہ طور پر اس پر چاقو سے حملہ کیا۔
ڈاکٹر طلعت کے قتل کے بعد 24 سالہ ملزم کو فرسٹ ڈگری قتل کے الزام میں گرفتار کر لیا گیا۔ کونرو پولیس نے بتایا کہ زیر حراست شخص پر رات 12:30 بجے کے قریب ایلس اپارٹمنٹس میں ایک ڈاکٹر پر حملہ کرنے کا الزام ہے۔
ملزم کو جرم کے گواہوں کی جانب سے حکام کو تفصیلات فراہم کرنے کے بعد گرفتار کیا گیا۔ افسوسناک واقعہ کے بعد شور سن کر ایک گواہ اپنی تلوار لے کر باہر نکلا۔
مقتول کی بیٹی کی عمر 14 سال جبکہ بیٹے کی عمر 23 سال ہے۔ طلعت جہاں خان کی بھانجی ماہ نور کا کہنا ہے کہ میری خالہ بہت مہربان اور پیار کرنے والی تھیں، ‘یہ ہمارے خاندان کے لیے ناقابل تلافی نقصان ہے جو کہ بالکل غیر متوقع ہے۔’
متوفی جو کہ پیشے کے لحاظ سے ماہر اطفال ہے، کئی ماہ قبل سیئٹل سے ہیوسٹن کے علاقے میں منتقل ہوئی تھی اور مبینہ طور پر اس کے اہل خانہ اور اس کے سینکڑوں مریض اسے ‘محبت’ کرتے تھے۔
وجاہت نیاز نے بتایا کہ ان کی مقتولہ بہن جولائی میں سیئٹل سے علاقے کی آب و ہوا سے لطف اندوز ہونے کے لیے اس علاقے میں منتقل ہوئی تھی۔ انہوں نے کہا، "وہ سورج اورگرم موسم دیکھنابہت پسندکرتی تھی۔
