کویت اردو نیوز : سوشل میڈیا پلیٹ فارم انسٹاگرام پر ایک وڈیو پوسٹ کی گئی ہے جو دیکھتے ہی دیکھتے وائرل ہو گئی ، وڈیو میں ہزاروں فٹ اوپر ایک نوجوان کو جہاز کی چھت پر کرتب کرتے ہوئے دیکھ کر لوگوں کی حیرت کی انتہا نہ رہی۔ دیکھتے ہی دیکھتے یہ ویڈیو سوشل میڈیا پر وائرل ہو گئی ، وڈیو کو اب تک ڈھائی لاکھ سے زائد لائکس مل چکے ہیں۔
اس مہم جوئی سے بھرپور ویڈیو میں ایک شخص کو چھوٹے طیارے کے اوپری پروں کی چھت پر رسی سے باندھ کر زمین سے ہزاروں فٹ کی بلندی پر کرتب کرتےہوئے دیکھا جا سکتا ہے۔
اس دوران یہ طیارہ سمندروں، پہاڑوں، صحراؤں حتیٰ کہ ہوا میں دائروں سے بھی گزرتا ہے لیکن یہ نڈر شخص پروں پر طرح طرح کے کرتب دکھاتا ہے۔
سنسنی خیز ویڈیو کو صارفین کی جانب سے دلچسپ تبصرے مل رہے ہیں، جس میں بہت سے لوگوں نے اسٹنٹ مین کی بہادری کی تعریف کی اور کچھ نے اسے خطرناک قرار دیا۔
