کویت اردو نیوز : اسرائیل نے بربریت کا مظاہرہ کرتے ہوئے غزہ کے الشفا اسپتال پر حملہ کردیا۔ غیر ملکی میڈیا کے مطابق قابض اسرائیلی فوجی ٹینکوں کے ساتھ غزہ کے الشفا اسپتال میں داخل ہوگئے۔
عینی شاہدین کے مطابق 6 اسرائیلی ٹینک اور 100 سے زائد اسرائیلی فوجی اسپتال میں داخل ہوئے اور لوگوں کو تشدد کا نشانہ بنایا اور دھمکیاں دیں۔
حماس کی وزارت صحت نے کہا ہے کہ اسپتال میں اس وقت تقریباً 2300 افراد موجود ہیں جن میں 650 مریض، 200 سے 500 عملے کے ارکان اور تقریباً 1500 شہری شامل ہیں۔
حماس نے الشفا اسپتال کے محاصرے اور اسرائیلی حملے کا ذمہ دار امریکی صدر جو بائیڈن کو ٹھہراتے ہوئے کہا کہ اسرائیل نے یہ قدم امریکا کی اجازت کے بعد اٹھایا۔ اسرائیل ہسپتال پر یہ جھوٹا الزام لگا کر حملہ کر رہا ہے کہ اسے فوجی مقاصد کے لیے استعمال کیا جا رہا ہے۔
وائٹ ہاؤس کے ترجمان نے کہا کہ ہم اسپتال میں حملہ اور فائرنگ نہیں دیکھنا چاہتےجبکہ غزہ پر اسرائیل کے حملوں میں خواتین اور بچوں سمیت 12 ہزار سے زائد فلسطینی شہید ہو چکے ہیں۔
دوسری جانب ترکیہ نے اسرائیلی وزیراعظم نیتن یاہو کے خلاف عالمی عدالت انصاف سے رجوع کر لیا ہے۔
ترکی نے بین الاقوامی فوجداری عدالت میں مقدمہ دائر کر دیا ہے۔ حمکران جماعت جسٹس اینڈ ڈویلپمنٹ پارٹی کے تین سابق قانون سازوں نے استنبول میں بین الاقوامی عدالت انصاف کے پراسیکیوٹر آفس میں درخواست جمع کرائی ہے۔
پارٹی کے تین سابق قانون سازوں کی طرف سے جمع کرائی گئی درخواست میں دعویٰ کیا گیا ہے کہ اسرائیلی وزیراعظم بنجمن نیتن یاہو غزہ میں نسل کشی کے مجرم ہیں۔