کویت اردو نیوز : ایک تحقیق کے نتائج سے یہ بات سامنے آئی ہے کہ کووِڈ کے بعد سے امریکی مردوں کی متوقع عمر خواتین کے مقابلے میں 6 سال کم ہوئی ہے۔
طبی ماہرین کی ایک نئی تحقیق میں یہ بات سامنے آئی ہے کہ کووِڈ 19 کے بعد سے امریکہ میں مردوں اور عورتوں کے درمیان متوقع عمر میں فرق پچھلے 30 سالوں کے مقابلے میں بڑھ گیا ہے۔
جریدے JAMA Internal Medicine میں شائع ہونے والی تحقیق کے مطابق، 1996 کے بعد سے مردوں اور عورتوں کے درمیان متوقع عمر میں فرق سب سے زیادہ بڑھ گیا ہے، جس کی سب سے اہم وجوہات Covid-19 اور منشیات کا استعمال ہیں۔
اس سے قبل 2021 میں حکومتی اعداد و شمار میں کہا گیا تھا کہ اس وقت کی گئی تحقیق کے مطابق خواتین کی متوقع عمر 79.3 سال ہے جب کہ مردوں کی عمر 73.5 سال تھی۔ ماہرین نے اپنے تحقیقی نتائج میں کہا ہے کہ امریکیوں کی متوقع عمر 2019 سے مسلسل کم ہو رہی ہے جو 2020 میں 78.8 سال سے کم ہو کر 77.0 سال اور 2021 میں مزید کم ہو کر 76.1 سال رہ گئی ہے۔
تحقیق کے مصنف ڈاکٹر برینڈن یان (یونیورسٹی آف کیلیفورنیا، سان فرانسسکو) نے نیویارک ٹائمز کو ایک بیان میں تحقیقی نتائج پر تشویش کا اظہار کرتے ہوئے کہا کہ متوقع عمر میں مسلسل کمی کا رجحان پریشان کن ہے۔ انہوں نے کہا کہ ہمیں اس بات پر گہری نظر رکھنے کی ضرورت ہے کہ کس عمر کے لوگوں کی متوقع عمر میں کمی واقع ہو رہی ہے، تاکہ اس فرق کو کم کیا جا سکے۔
مردوں اور عورتوں کے درمیان متوقع عمر میں بڑھتے ہوئے فرق کی وجوہات بتاتے ہوئے ڈاکٹر یان نے کہا کہ اس پورے معاملے کو مردوں کی بگڑتی ہوئی ذہنی صحت پر توجہ مرکوز کرنا ہوگی۔
محققین نے ذیابیطس، دل کی بیماری، ڈپریشن، خودکشی ، شراب نوشی کو بھی مردوں اور عورتوں کے درمیان متوقع عمر میں بڑھتے ہوئے فرق کی وجوہات میں درج کیا ہے۔
