کویت اردو نیوز: سعودی عرب نے فیفا کلبز ورلڈ کپ 2023 کے ٹکٹ ہولڈرز کے لیے ای ویزا کی سہولت فراہم کی ہے۔
خبر رساں ایجنسی ایس پی اے کے مطابق سعودی عرب نے یہ انتظام وزارت خارجہ اور کھیل کے تعاون سے کیا ہے۔
اس کا مقصد فٹ بال کے شائقین کو سعودی عرب کے سفر میں سہولت فراہم کرنا ہے۔ ورلڈ کپ کے میچز 12 سے 22 دسمبر تک ہوں گے۔
مانچسٹر سٹی (برطانیہ)، فلومینینس (برازیل)، التحاد (سعودی عرب)، الاحلی (مصر)، آکلینڈ سٹی (نیوزی لینڈ)، کلب لیون (میکسیکو)، اور اروویا ریڈ ڈائمنڈز (جاپان) فیفا کلب ورلڈ کپ ٹائٹل کیلیے میچز دلچسپ ماحول میں دیکھے جائیں گے۔
سعودی عرب فیفا کلبز ورلڈ کپ 2023 کے ٹکٹ ہولڈرز کو ای ویزا کی سہولت فراہم کرے گا۔
ان ممالک کے باشندوں کو مملکت میں آمد پر ای وزٹ ویزا کی سہولت حاصل ہوگی۔ اس کے علاوہ دیگر سہولیات فراہم کی جائیں گی۔
سعودی عرب پہلی بار اس ٹورنامنٹ کی میزبانی کر رہا ہے۔ تمام میچز جدہ شہر کے دو سٹیڈیمز میں کھیلے جائیں گے۔
کلبز ورلڈ کپ کے ٹکٹ ہولڈرز visa.mofa.gov.sa پر ٹورنامنٹ کے میچوں میں شرکت کے لیے ای ویزا کے لیے درخواست دے سکتے ہیں۔