کویت اردو نیوز : اسرائیلی بمباری کے نتیجے میں معروف فلسطینی شاعر، پروفیسر اور "غزہ رائیٹس بیک” کے مصنف رفعت الیریر بھی شہید ہوگئے۔
فلسطین کے معروف شاعررفعت الیریرکی شہادت کی اطلاع انکے دوستوں نےسوشل میڈیاکےذریعےدی۔
شاعر رفعت کے دوست نے گہرے دکھ کا اظہار کرتے ہوئے کہا کہ میں یقین نہیں کر سکتا کہ میں آج یہ لکھ رہا ہوں کہ ہمارے پیارے ڈاکٹر رفعت الیریر اسرائیلی فضائی حملے میں شہید ہو گئے۔
انہوں نے مزید کہا کہ "الحمدللہ!” مجھے آپ کی زندگی میں آپ سے ملنے اور آپ کا دوست بننے کا شرف حاصل ہوا۔”
رفعت الیریر ایک شاعر اور مصنف اور غزہ کی اسلامی یونیورسٹی میں انگریزی ادب کے پروفیسر تھے۔ انہوں نے دو کتابیں بھی لکھیں جن کا نام ہے "غزہ رائیٹس بیک” اور “Gaza Unsilenced”
گزشتہ ماہ رفعت الیریر نے انگریزی زبان میں ایک نظم لکھی جس کا عنوان تھا “If I must die”، اس نظم کو سوشل میڈیا پر کافی پذیرائی ملی اور اب رفعت کی شہادت کے بعد ان کے دوست اور مداح انہیں بڑی تعداد میں خراج عقیدت پیش کر رہے ہیں۔ اس نظم کو سوشل میڈیا پر شیئر کر رہے ہیں۔
یاد رہے کہ اکتوبر میں غزہ پر اسرائیلی بمباری کے نتیجے میں معروف مصنفہ، شاعر اور ناول نگار حبا ابوندا بھی شہید ہو گئے تھے۔
اپنی شہادت سے ایک روز قبل حبہ ابوندہ نے سوشل میڈیا پر ایک پیغام جاری کیا تھا جس میں انہوں نے کہا تھا کہ اگر ہم مر جائیں تو جان لیں کہ ہم ثابت قدم ہیں اور سچے ہیں۔
واضح رہے کہ غزہ میں 7 اکتوبر سے اب تک معصوم بچوں، خواتین، شاعروں، ادیبوں ، صحافیوں سمیت 17 ہزار سے زائد فلسطینیوں کو شہید کیا جا چکا ہے۔