کویت اردو نیوز : ٹیکنالوجی کمپنی گوگل ہزاروں صارفین کے زیر استعمال ایک اور ایپلی کیشن سروس بند کرنے جا رہی ہے۔ اگلے چند ہفتوں میں، گوگل گوگل پلے موویز اور ٹی وی ایپ کو بند کردے گا۔
یہ سروس پہلے ہی سمارٹ ٹی وی سے ہٹا دی گئی ہے اور جلد ہی اسے فون سروس سے بھی ہٹا دیا جائے گا، جبکہ 17 جنوری سے صارفین ایپ کے ذریعےخریدی یا کرائے پر لی جانےوالی فلموں تک رسائی حاصل نہیں کرسکیں گے۔
تاہم، خریدی گئی فلمیں اور ٹی وی شوز کو مکمل طور پر حذف کرنے کے بجائے Android TV اور YouTube پر منتقل کر دیا جائے گا۔
یہ سروس 2021 کے بعد سے Google کی طرف سے مرحلہ وار ختم کی جا رہی ہے۔ ایپ کو پہلے ہی Roku ڈیوائسز اور زیادہ تر اسمارٹ ٹی وی سے ہٹا دیا گیا ہے، لیکن یہ اب بھی اینڈرائیڈ ٹی وی اور گوگل پلے اسٹور پر دستیاب ہے۔
اینڈرائیڈ ٹی وی ہیلپ پر ایک حالیہ پوسٹ میں، گوگل نے تصدیق کی ہے کہ سروس جلد ہی ان پلیٹ فارمز سے ہٹا دی جائے گی۔
پوسٹ میں، گوگل نے وضاحت کی کہ کمپنی نئی فلموں یا ٹی وی شوز کو خریدنے یا ان تک رسائی کے عمل کو آسان بنانے کے لیے کچھ تبدیلیاں کر رہی ہے۔