کویت اردو نیوز : سعودی عرب میں سوشل میڈیا ویب سائٹس پر ایک عجیب و غریب ویڈیو وائرل ہو رہی ہے جس میں ایک خاتون کو ٹرانسپورٹ گاڑی کے پچھلے دروازے سے لٹکتے ہوئے دکھایا گیا ہے۔ یہ واقعہ ریاض کے مشہور محلے بطحا میں پیش آیا۔
ویڈیو میں خاتون کو ٹرک کے دروازے سے لٹکتے ہوئے دکھایا گیا ہے۔ ٹرک کو مرکزی کاروباری ضلع میں ایک سڑک پر چلتے ہوئے دیکھا جا سکتا ہے۔
تھوڑی دور چلنے کے بعد جب ٹرک ڈرائیور پیدل چلنے والوں کے لیے مخصوص اوور ہیڈ برج پر پہنچا تو اس نے رفتار کم کردی۔ اسی دوران خاتون ٹرک سے اتر کر اپنے راستے پر چل پڑی۔
یہ منظرسوشل میڈیا پرتیزی کیساتھ وائرل ہورہا ہے۔
اس واقعے پر سوشل میڈیا پر ملا جلا ردعمل سامنے آیا ہے۔ ایک صارف نے لکھا، "یہ ایک انڈونیشیائی خاتون ہے، جب کہ دوسری نے کہا، "کتنا خطرناک کام ہے۔ اگر اس کا ہاتھ پھسل جاتا تو کیا ہوتا۔ یہ بہت احمقانہ حرکت ہے۔”
