کویت اردو نیوز : علم کو ہمیشہ ایک دولت سمجھا جاتا ہے جو انسان کو عملی زندگی میں کامیاب بناتا ہے۔ لیکن جان بچانے کے لیے علم بھی ضروری ہے اور آپ جتنے زیادہ تعلیم یافتہ ہوں گے، آپ کی قبل از وقت موت کا خطرہ اتنا ہی کم ہوگا۔
یہ بات اپنی نوعیت کی پہلی تحقیق میں سامنے آئی ہے۔ ناروے میں نارویجن یونیورسٹی آف سائنس اینڈ ٹیکنالوجی کی ایک تحقیق سے پتا چلا ہے کہ اسکول، کالج یا یونیورسٹی میں ہر سال گزارنے سے قبل از وقت موت کا خطرہ 2 فیصد کم ہوجاتا ہے۔
یعنی اگر آپ زندگی کے 18 سال تعلیم میں گزاریں تو قبل از وقت موت کا خطرہ 34 فیصد کم ہو جاتا ہے اور لمبی زندگی ممکن ہو جاتی ہے۔
اس تحقیق میں 59 ممالک کے 10,000 سے زائد افراد کے ڈیٹا کا جائزہ لیا گیا، جو 600 سے زائد تحقیقی مقالوں سے اکٹھا کیا گیا۔
مطالعہ نے تعلیمی حصول کا موازنہ دیگر عوامل جیسے صحت مند غذا، تمباکو نوشی یا الکحل کے استعمال سے کیا۔
نتائج سے معلوم ہوا کہ تعلیم صحت کے لیے اتنی ہی فائدہ مند ہے جتنی صحت بخش غذاؤں کا استعمال۔
مطالعات سے پتہ چلتا ہے کہ اسکول نہ جانا صحت کے لیے اتنا ہی نقصان دہ ہے جتنا تمباکو نوشی یا شراب پینا۔
تحقیق سے معلوم ہوا ہے کہ تعلیم سے سب سے زیادہ فائدہ نوجوانوں کو ہوتا ہے تحقیق میں یہ بھی معلوم ہوا کہ چاہے آپ کسی امیر ملک میں رہتے ہوں یا غریب، ہر جگہ تعلیم کے یکساں فائدے ہیں۔
محققین کے مطابق تعلیم کو عام کر کے قبل از وقت موت کے خطرے کو کم کیا جا سکتا ہے۔
انہوں نے مزید کہا کہ دنیا بھر میں سماجی عدم مساوات پر قابو پا کر بہت سی اموات کو روکا جا سکتا ہے۔
