کویت اردو نیوز : جسمانی وزن کم کرنا آسان نہیں ہے اور اس کے لیے لوگ ورزش اور دیگر طریقوں کا سہارا لیتے ہیں۔ لیکن اب ایک ایسی دوا تیار کی گئی ہے جو جسمانی وزن کو کم کرنے میں انتہائی کارگر ثابت ہو رہی ہے۔
امریکی کمپنی ایلی للی کی تیار کردہ دوا زیپ باؤنڈ کو امریکا میں استعمال کی منظوری دے دی گئی ہے۔ یو ایس فوڈ اینڈ ڈرگ ایڈمنسٹریشن (ایف ڈی اے) نے اس کے استعمال کی منظوری دے دی، جسے وہ لوگ استعمال کر سکتے ہیں جو ہائی بلڈ پریشر یا کولیسٹرول اور ٹائپ 2 ذیابیطس کا شکار ہیں تاکہ جسمانی وزن کو کم کیا جا سکے۔
اس دوا کو 2 بڑے کلینیکل ٹرائلز کے بعد منظور کیا گیا تھا۔ ان آزمائشوں کے دوران رضاکاروں کو 72 ہفتوں تک دوائی استعمال کرائی گئی۔ ان تمام زیادہ وزن والے افراد کو ہائی بلڈ پریشر، ہائی کولیسٹرول کی بیماری بھی تھی۔ ان افراد کو روزانہ 500 کیلوریز استعمال کرنے کی ہدایت کی گئی تھی۔
ٹرائل کے نتائج سے معلوم ہوا کہ اس دوا کے استعمال سے جسمانی وزن میں 18 سے 25 فیصد تک کمی آئی۔ ایک انجیکشن کے طور پر دی جانے والی یہ دوا ہارمونز کے افعال کو بدل دیتی ہے جو میٹابولزم اور بھوک کو کنٹرول کرتے ہیں، اس طرح یہ دوا خون میں شکر کی سطح کو بہتر بناتی ہے۔
لیکن اس دوا کے استعمال سے کچھ مضر اثرات بھی ہو سکتے ہیں جن میں ہاضمے کے مسائل اور بال گرنا شامل ہیں۔
